Gode og særprega lokale for ferie, kurs, møter, selskap og andre arrangement

ferie og langhelg

Haavetunet er særlig godt eigna for ferie og langhelg for storfamiliar og vennegrupper. Med opp til 20 senger, stort kjøken og 3 store stover er her god plass både for vaksne og born. Den store hagen og tunet gjev og høve til uteaktivitetar av mange slag. Nærleiken til sjø, fjell og skog med bær og sopp byr også på mange moglegheiter. Huset ligg 50 meter fra sjøen og har båt til leige.

Huset kan og leigast for langhelg heile året. For ei samling over fleire dagar i samband med åremålsdagar og liknande er Haavetunet perfekt. Her kan det dekkast til festmiddag for 26 personar rundt eit gedigent langbord. Det ligg og godt til rette for bruk av selskaps-telt i den store hagen.

KURS, møter og selskap

Haavetunet er ideelt for kurs, møter og selskap for opp til 28 personar. Her finn de eit stort møterom, to romslege grupperom og stort kjøken. Den store hagen og nærleiken til fjell og sjø gjev gode moglegheiter til å kombinere møter med friluftsaktivitet og avkopling. Huset kan leigast både til dags-arrangement og med overnatting.

Møterom:

Spisestove på 50 kvm - Plenumrom med plass til 26 personar i møteoppsett.

Hallen på 25 kvm - Grupperom med plass til 10 personar.

Den gule stova på 25 kvm - Grupperom med plass til 10 personar.

Overnatting

Vi kan tilby 7 overnattingsrom: 6 rom med dobbeltseng og 1 med enkeltseng i hovudhuset. I tillegg kan ein leige ei eiga leilegheit 50 m frå hovudhuset. Her er det to soverom, stor stove, bad og kjøken. Totalt har vi då 9 soverom. I hovudhuset er det eit loft med tre store soverom av enkel standard til bruk i sommarhalvåret.

Om Stavang

Haavetunet ligg i Stavang som er ei grend mellom Førde og Florø med ei unik plassering mellom fjell, fjord og hav.

Tidlegare var Stavang ein stad med jordbruk, fiske og handel. I dag er det stadig fleire som kjem for fritid og rekreasjon og mange hytter er bygd her dei siste åra. I Stavang finn du butikk, post, bank, bensinstasjon og marina. Sentralt i bygda ligg Stavang kyrkje med nærare 400 sitteplasser.

Her finn du oss

Med bil kan du køyre til Eikefjord på RV 5, midt mellom Førde og Florø og ta av på Fylkesvei 542 til Stavang. Køyretid frå Florø og Førde er ca. 40 min frå begge stader.

Frå Naustdal kan du også ta den litt smalare, men naturskjønne Fylkesvei 611 langs Førdefjorden.

kontaktinfo og lenker

For meir informasjon:

Ta kontakt med Atle Jordahl på tlf.: +47 906 14 565 eller email: atle@haavetunet.no

Sjå også Haavetunet på Airbn, Finn.no, den tyske utleigesida feriehausmiete.de og Facebooksida vår.

Turistinformasjon i Florø: www.fjordkysten.no

Tlf:. 57743000

E-post: mail@fjordkysten.no

Adresse: Strandgata 30, 6905 Florø

historiA

Haavetunet si historie går tilbake til året 1850. Det året kjøpte Anders Haave eigedommen av Ludvig Martens som dreiv vertshus og skysstasjon i Hellevik rett nord for Stavang. Anders Haave tok seinare namnet Anders Nielsen Haave fordi han gjekk inn i Haugianarrørsla, skipa av Hans Nielsen Hauge. På den tida vart derfor Haavetunet brukt til samlingsstad for Haugianarane i Sunnfjord.

Gardstunet, som no er skildt ut frå garden, har vore i Haaveslekta heilt frå 1850, og det er i dag 6. og 7. generasjon som er eigarar. På garden har det vore drive ei rekkje næringar som gardsdrift, skogsbruk med sag og høvleri, landhandel, postkontor, fiskemottak og salteri, revefarm og båtskyssforretning. Malene Haave, kona til Anders Haave II, var i ei årrekkje jordmor i Bru. Inger Johanne Jebsen Haave, som var gift med Nicholai Haave II, dreiv ei kort tid som dyrlækjar i distriktet. På 1950 talet vart det drive jordbruk etter antroposofiske og økologiske prinsipp, då Inger Johanne var tilhengar av Rudolf Steiner rørsla. Anders Haave III som eigde gardstunet fram til 2014 er i dag eigar av skogen og gardseigedomen.

Nøgde Gjester

-Kan berre anbefale denne plassen. Har hatt ei fantastisk helg i Haavetune med heile storfamilien Fantastisk hus og eigendom. Hyggjeleg vert..
Ingvild Førde Torvanger, Florø
-Takker for vellykka kursopphald hos deg i går. Lokalet, maten og staden du er på passa oss heilt supert i går. Vi kjem gjerne igjen når det passar med samling i Stavang
Ingolf Bergh, Driftsingeniør SFE

-Hei Atle og takk for glimrende opphold og god nattesøvn.
Helge U. Olsen, Daglig leiar og kurshalder. HANOR AS Sandnes

-Ein wunderschoener ort, ein Haus mit Atmosphere, ein Platz fyr gute Menchen. Ich, ein Gast liebe Haavetunet.
Hermann Muigg-Spoerr, Tyskland

-Mange takk for fint opphold (god mat, velfungerende møterom og hyggelig vertskap) da ledergruppa i kirurgisk klinikk hadde heldagsmøte på Haavetunet i april 2018.

Mvh Trine Vingsnes, dir. kir. avd. Helse Førde

- Tusen takk for eit flott opphald på Haavetunet! Me var ein storfamilie på 13, der alle tre generasjonar storkosa seg i det flotte huset, i den nydelege naturen og med alle kjekke aktivitetar: fiske, fjelltur, båt, grilling og mange ulike leikar i hagen!

Ingrid Walaker Tveito, Kaupanger